Ism e Azam Ka Wazifa

Aaj ka mozu hai ism e azam ka wazifa jis main ham apko bataen gay k Ism e Azam kiya hota hai? Ism e Azam kin hastion ko ata hota hai? Ism e Azam ki badolat Ambiya e Karam (A.S.) say kin mojezat ka zahoor hua? Ism e Azam ki shan main hamaray Bazurg kia farmatay hain? Kiya ism e azam har insan ko ata ho sakta hai? Ham apko ism e azam k fazail ki aik mamooli c jhalak dikhate hain.

Ism e Azam kiya hota hai?

Pray (Pray For All) k Bazurg farmatay hain k har pak naam Allah ka hai aur Allah ko jis bhi Pak naam say pukara jae wo ism e azam kehlata hai. Ism e azam k wasilay say mangi gai dua lamhon main qabooliat ka darja pa leti hai. Ism e azam k haqeeqi fazail k baray main ye kehna bay ja na hoga k jin hastion ki ism e azam tak rasai hasil ho jae. Agar wo chahen to ism e azam k waseelay aur Khuda k hukm say hawaon ka rukh morr dein. Bemaron ko shifa day dain. Nafraton ko mohabbat main badal dein. Bay auladon k liye dua Karen to unhen aulad ata ho jae. Faqeer ko badshah aur badshah ko faqeer bana dein. Jinnat un say khof khate hain jin k Pas haqeeqi ism e azam ki taqat ho. Algharz jinhen ism e azam ata ho jae un k liye kuch na mumkin nahi rehta. Jesa k Rasool Allah (S.A.W.) nay farmaya k jis Shakhs ko ism e azam tak rasai hasil hui goya is baat ki alamat hai k uski murad puri hui.

Ism e Azam Kin Hastiyon ko Ata Hua?

Ism e Azam Ambiya e Karam (A.S.) ko ata kiya gaya to un say aisay aisay mojzat ka zahoor hua jinhen dekh kar insani aqal dang reh jae. Auliya Allah k pas bhi ism e azam hi ki taqat hoti hai jis k zariye wo kul insaniat main us zikar ka faiz aam kar k unhen Allah k hukam say pareshanion say nijat dilatay hain.

Ism e Azam ki Barkat se Ambiya e Karam (A.S.) say kin Mojzat ka Zahoor hua?

Hazrat Moosa (A.S.) ko jo ism e azam ata hua uski badolat unhon nay Firon k baray say baray Jadu k waar ka moun tor jawab dia. Ism e azam ki badolat Hazrat Essa (A.S.) murdon ko Allah k hukam say zinda kar dete aur bemaron ko shifa ata farmatay. Hazrat Suleman (A.S.) ko jo ism e azam ata hua wo un k takht Mubarak par tehreer tha jiski badolat tamam jinnat un say bay hud khof mehsoos kartay thay. Hazrat Khizar (A.S.) ism e azam ki badolat aj bhi zinda hain. Hazoor Nabi Kareem (S.A.W.) k pas ism e azam ki hi kul taqat thi k jiski badolat waqia mairaj sharif jo arbon kharob salon k taweel waqt main waqoo pazeer hona tha. Ism e Azam ki barkat se sirf chand lamhon main waqoo pazeer hua aur unhen ziarat e Parwardigar naseeb hui.

Ism e Azam ki Shan Pray (Pray For All) K Bazurgon Ki Zubani

Hamaray Bazurg Ism e Azam ki Shan main bian farmatay hain k Insan Allah Pak k sirf 99 naamon say waqif hai jab k Allah k kai hazar naam hain jinhen insan nahi janta magar har insan dua ki qabooliat k liye ism e azam janna chahta hai. Lakin haqeeqat ye hai k haqeeqi ism e azm jab kisi hasti ko ata hota hai to usay posheeda rakha jata hai taa k koi na ahal us isme azam ka ghalat istemal na kar sake. Jesa k Rasool Allah (S.A.W.) nay kisi shakhs ko dua karte huye suna to farmaya k qasam hai us zaat ki k jis k qabzay main meri jaan hai. Is Shakhs nay ism e azam k waseelay say dua mangi hai aur ism e azam k wasilay say jab bhi dua mangi jae qabool ki jati hai. Jab Allah say koi sawal kia jae pura kiya jata hai. (Abu Dawood, Tirmazi, Ibne Majah)

Rasool Allah (S.A.W.) nay aik aur muqam par farmaya k isme azam Surah e Hashr ki akhri ayat main hai. In ahadees mubaraka say bhi sabit hota hai k Rasool Allah (S.A.W.) nay bhi ism e azam ki nishan dahi isharatan hi farmai.

Kiya Ism e Azam har Insan ko Ata ho sakta Hai?

Pray (Pray For All) k Bazurg farmatay hain k hamaray tajarbat o mushahidat k mutabiq ism e azam ijazat ka naam hai. Ijazat unhi ko ata hoti hai jo insaniat say mohabbat karte hain jesa k Ambiya e Karam (A.S.) aur Auliya Karam (R.A.) nay ki to Allah Pak nay unhen Ism e Azam ki ijazat ata farmai taa k us ism e azam k faiz say wo logon ki mushkilat ko hal kar saken. Hamaray Bazurgon ka kehna hai k jab kisi insan ko khas Rohani kuliyat k tehat us k naam ka ism e azam tilawat karne ki ijazat mil jati hai aur wo insan apnay naam ka ism e azam hasil kar lene k baad uski tilawat ko apni zindagi k mamool bana lay to na sirf uski har jaez dua qabool hoti hai balkay wo haqeeqi ism e azam tak pohanchane ka waseela bhi banta hai. Haqeeqi ism e azam tak wohi Insan pohanch sakta hai jis k dil main insaniat ka dard ho aur wo insaniyat se mohabbat karne wala ho. Bazurg farmatay hain k jo Insan apnay naam ka ism e azam khas Rohani kuliyat k tehat hasil kar lay aur us k dil main insaniat ka dard paida ho jae aur phir wo dosray insano k liye khair ka bais banay to us par anwar o tajaliyat ka zahoor hona shuru ho jata hai aur insaniat ka dard bhi unhi ko ata hota hai jin par Allah ka khas karam ho.

Apnay Naam Ka Ism e Azam Hasil Karain

Bazurgon k tajarbat o mushahidat ki ru say jab Insan khas Rohani kuliyat k tehat apna ism e azam hasil kar k tilawat karta hai to dua ki qabooliat bohat taizi say hoti hai. Masal k tor par Mohammad Ali k naam k adad hain 202 aur uska ism e azam Ya Mominu, Ya Allah, Mizaj Atshi aur ansar khaki hai. Isi tarha ism e azam ya Mominu, Ya Allah k adad bhi 202, mizaj atshi aur ansar khaki hai. Jab Mohammad Ali apnay naam, adad, mizaj aur ansar say mutabiqat rakhne wala ism e azam ya Mominu, Ya Allah ki tilawat ko apni zindagi ka mamool banaye ga to uski har jaez dua fori qabooliat ka darja paye gi. Is lehaza say Mohammad Ali k naam ka ism e azam hi wo behtreen waseela banay ga jis k zariye wo us haqeeqi isme azam tak pohanch sakta hai jo Ambiya e Karam (A.S.) aur Auliya e Karam (R.A.) ko ata hua. Jab k insan us haqeeqi ism e azam ko kitabon main talash karta hai.

Agar koi Sayel Pray (Pray For All) k Bazurgon ki ijazat say aur khas Rohani kuliyat k tehat apnay naam ka ism e azam maloom karna chahta hai to hamari website www.pray.net.pk par mojud ism e azam form ko fill kar k hamein submit kare. Insha Allah hamaray Rohani Mahreen khas Rohani kuliyat k tehat apko ap k naam ka ism e azam Email Karen gay. Aap ism e azam hasil kar lene k baad usay rozana di gai tadad k mutabiq tilawat Karen.

Note:

Agar ap nay pehle say koi wazifa, ayat mubaraka, ism e azam ya koi bhi Rohani amal shuru kiya hua hai to us k sath ap apnay naam ka ism e azam hasil kar k uski talawat bhi kar sakte hain. Baaz afrad aik waqt main kai Wazaif shuru kar lete hain ta k unki dua jaldi qabool ho magar hamaray Bazurgon k tajarbat o mushahidat k mutabiq aik waqt main kai Wazaif karnay main koi mazaiqa nahi lakin is tarha insan ki tawajo barqarar nahi rehti. Isliye wo Allah ka zikar la parwahi say karta hai jis waja say uski zahri dua ki qabooliat main takheer ho sakti hai. Jesa k Rasool Allah (S.A.W.) nay bhi farmaya k jab bhi Allah say dua mango to dua ki qabooliat par yaqeen rakho kiun k Allah ghafil, la parwah aur mayoos dil ki dua qabool nahi karta.

Dua: Hamaray Bazurg ap k liye dua go hain k Allah Pak ki zaat Hazoor Nabi Kareem (S.A.W.) k sadqe aur ism e azam k waseelay say apki tamam jaez duaon ko qabool o manzoor farmaen ameen sum ameen.